Ուզբեկստանն ուշադիր հետեւում է հետխորհրդային տարածքում տնտեսական ինտեգրացիայի զարգացմանը, սակայն դեռեւս իր համար շահավետ չի համարում ԵՏՄ–ին կամ Մաքսային միությանն անդամակցելը։ Այս մասին ասել է Ուզբեկստանի արտաքին տնտեսական կապերի փոխնախարար Շավքաթ Տուլյագանովը, փոխանցում է «ՌԻԱ Նովոստի»–ն։
«Ուզբեկստանը այս կամ այն ինտեգրացիոն կազմակերպության անդամ է դառնում առաջին հերթին մեր շահերից ելնելով։ Առաջին եւ գլխավոր առաջնայնությունն այն է, որ մենք չլինենք մի կառույցում, որը կարող է ազդել Ուզբեկստանում որոշումներ կայացնելու վրա։ Մենք ազատ առեւտրի գոտու եւ ԱՊՀ անդամ ենք։ Մեր մասնագետները խորապես ուսումնասիրել են ԵՏՄ կամ Մաքսային միության անդամակցության հեռանկարները, եւ կարծում ենք, որ անդամակցությունը Ուզբեկստանին առավելություն չի տալիս, ընդհակառակը, կարող է ճնշել մեր որոշ դիրքերը։
Այդ ինտեգրացիոն կառույցների զարգացմանը մենք ուշադիր հետեւում ենք։ Եթե համարենք, որ տնտեսապես մեզ համար որեւէ դժվարություն կամ ճնշում չի ներկայացնի, մենք կդիտարկենք անդամակցության հարցը»,– ասել է Տուլյագանովը։
