![](img/news/36/02/36/default.jpg)
Թուրքիայի նախկին նախագահ Աբդուլլահ Գյուլը պատրաստվում է «Արդարություն եւ զարգացում» կուսակցության ղեկավար կազմից դուրս մնացած հայտնի դեմքերի հետ միասին նոր կուսակցություն ստեղծել։
Թուրքական Akit TV–ի փոխանցմամբ՝ Թուրքիայի 11–րդ նախագահ Աբդուլլահ Գյուլը նոր կուսակցություն ստեղծելու նպատակով Հորդանանում հանդիպել է անգլիացի քաղաքական գործիչների հետ։ Նշվում է, որ Աբդուլլահ Գյուլը Արեւմուտքի հետ շփվում է Անգլիայի նախկին վարչապետ Թոնի Բլեյերի միջոցով։
Աղբյուրը նշել է, թե Աբդուլլահ Գյուլը նոր կուսակցությունը ստեղծելու է Ահմեդ Դավութօղլուի, Բյուլենթ Առընչի, Հուսեյն Չելիքի, Բեշիր Աթալայի, Ալի Բաբաջանի ու Ալի Շահինի հետ միասին։
Այս թեմային է անդրադարձել նաեւ թուրքական Milat պարբերականի համակարգող Սերդար Արսեվենը՝ շեշտելով, թե Թուրքիայում խորացող տնտեսական ճգնաժամը ստիպելու է նոր դեմք առաջադրել, որին կողմ կլինի թե հասարակությունը, թե ընդունելի կլինի Արեւմուտքի կողմից։ Սերդար Արսեվերը նշել է, թե Արեւմուտքը որոշել է Էրդողանի «կապերը ձգել», ինչը Թուրքիային տնտեսական ծանր կացության մեջ է գցելու։ «Ռեջեփ Թայիփ Էրդողանին որպես այլընտրանք հենց Աբդուլլահ Գյուլն է։ Եթե հիմա էլ ասպարեզ չգա, դա կլինի 2017–ին»,–գրել է Milat–ի համակարգողը։