Ձմեռային փոթորկից հետո Հավայան 2 հրաբխային լեռներում մեկ մետր հաստությամբ ձյուն է եկել, հաղորդում է USA Today-ը՝ վկայակոչելով Ազգային օդերեւութաբանական ծառայությունը։

Այս երկու հրաբուխները՝ Մաունա Լաոն եւ Մաունա Քեան, արշիպելագի ամենաբարձր գագաթներն են։

Եվս մեկ փոթորկի ալիք անցնում է կղզիներից մեկից 600 կմ հեռավորությամբ եւ կարող է այսօր հասնել Հավայան կղզիներին։ Այն այնքան էլ ուժեղ չի լինի, բայց հրաբխային լեռները կծածկի եւս 25 սմ ձյունով։

Կղզիների մնացած հատվածներում հորդառատ անձրեւներ են սպասվում։