ԵԱՀԿ–ն իհարկե չի կարող լուծել հակամարտությունները, այդ թվում՝ ղարաբաղյան խնդիրը, սակայն կարող է նվազեցնել ռիսկերը։ Այս մասին Համբուրգում ասել է Գերմանիայի ԱԳ նախարար Ֆրանկ–Վալտեր Շթայնմայերը։
Նրա խոսքով՝ ԵԱՀԿ–ն կարող է նվազեցնել ռիսկերը, կանխել էսկալացիան եւ կարող է փորձել իր ավանդը ներդնել լարվածության թուլացման գործընթացում։
Շթայնմայերը նշել է, որ շատ կարեւոր է խոսել մարդկանց հետ՝ լինի դա Երեւանը, Բաքուն, Կիեւը եւ Քիշնեւը։ «Ես ինքս այցելել եմ այդ մայրաքաղաքները եւ խոսել մարդկանց հետ»,– ասել է նա։
Ղարաբաղի դեպքում ԵԱՀԿ–ն ավանդ է ներդրել եւ օգնել է վերահսկել հակամարտությունը, ասել է Շթայնմայերը։
Նա նաեւ նշել է, որ գլխավորը վստահության վերականգնման ջանքերն են, որը երկարատեւ գործընթաց է։
