Երեւնում ի աջակցություն «Սասնա ծռերի» երթի մասնակիցներին այսօր` դեկտեմբերի 10-ին, թույլ չտվեցին քայլել Հայաստանում Ռուսաստանի դեսպանատան մայթով:
NEWS.am-ի թղթակիցը հաղորդում է, որ երբ ցուցարարները Մաշտոցի պողոտայից թեքվեցին դեպի Գրիգոր Լուսավորիչ փողոց, ոստիկանները փակեցին ճանապարհը` թույլ չտալով քայլել այնտեղով, այլ հորդորեցին քայլել երթեւեկությանը հակառակ: Դեսպանատան շենքն անցնելուն պես ոստիկանները ցուցարարներին հորդորեցին արդեն քայլել փողոցի ձախ մասով:
Ցուցարարները հասել են «Դատապարտյալների հիվանդանոց» քրեակատարողական հիմնարկի մոտ, որտեղ իրենց աջակցությունն են հայտնում Սասնա ծռերի» բուժվող անդամներին: Երթի մասնակիցները բացականչում են «Սասնա ծռեր», իրենց հետ բերել են «Ազատենք հայրենիքը տականքներից», «Ես հավատում եմ իմ պայքարի ճշմարտացիությանը» գրությամբ պաստառներ, խմբի անդամների լուսանկարներ եւ դրոշակներ:
Երթին միացել է նաեւ Ալեք Ենիգոմշյանը:
Նշենք, որ այսօր Մարդու իրավունքների միջազգային օրն է:
