Ոչ մի այլ քաղաքակիրթ երկրում չկա այդքան կուսակցություն, որքան Հայաստանում։ Այս մասին դեկտեմբերի 14-ին ԱԺ–ում ասել է ԲՀԿ խմբակցության ղեկավար Նաիրա Զոհրաբյանը՝ ելույթ ունենալով «Քաղաքական կուսակցությունների մասին» օրենքում փոփոխությունների նախագծի քննարկման ժամանակ։
Նրա խոսքով՝ այստեղ նոր օրինագիծը շատ կօգնի, քանի որ կթողնի, որ գործեն միայն այն կուսակցությունները, որոնք իրոք ասելիք ունեն։ «Եթե այդ կուսակցությունները հասարակությանը չեն գրավում, ուրեմն նրանց գաղափարները վատն են։ Կուսակցությունների թվում պետք մնան միայն նրանք, որոնք կարող են ինքնուրույն գնալ ընտրությունների»,– ասել է Զոհրաբյանը։
