Անձնական կարծիք. Վահրամ Սահակյան՝ Ես մի հատ պիտի լինեմ

NEWS.am–ը ներկայացնում է «Անձնական կարծիք» նախագիծը։ Ծրագրի շրջանակում նախագծի հեղինակ Անի Աֆյանը տարբեր մասնագիտությունների եւ համոզմունքների տեր հաջողակ մարդկանց առաջարկել է պատասխանել արդիականության 7 զգայուն եւ սուր հարցերին, որոնք չեն կարող միանշանակ պատասխաններ ունենալ։ Իսկ երբ միակ ճիշտ պատասխանը բացակայում է, մնում է միայն սեփական կարծիքը։ Այսպես՝ պարզ բառերով ամենակարեւորի մասին, կյանքի եւ մահվան մասին։

Վահրամ Սահակյան - գրող, դրամատուրգ

Անբուժելի հիվանդ երեխաների նկատմամբ էվթանազիան թույլատրող օրենքի մասին

Վատ եմ վերաբերում այդ օրենքին: Երեխան չի կարող նման որոշում կայացնել:

Կլոնավորման եւ սեփական պատճեն ունենալու մասին

Վատ եմ վերաբերում: Հիմա էնքան անասուն կա ու մի հատ էլ դրանց կլոնավորե՞ն:

Չէի ցանկանա կլոնավորված լինել: Ես մի հատ պիտի լինեմ, իմ պասպորտի մեջ գրված է одна штука:

Մահվան դեպքում օրգանների դոնոր դառնալու մասին

Եթե մարդու կյանք կարելի է փրկել՝ ինչո՞ւ ոչ։

Մահվան վախի եւ հավերժ կյանքի մասին

Մահից բոլորն են վախենում, իսկ ես հավերժ երիտասարդ եմ։ Իսկ անմահությունն այն է, որ մահից հետո քեզ շարունակում են հիշել քո լավ գործերով։

Աբորտների մասին

Աբորտը համարում եմ սպանություն, բայց արգելել չի կարելի, դա արդեն պետք է թողնել մարդու խղճի վրա։