Դետրոյտի շրջանային դատարանը կալանքի տակ է թողել Volkswagen–ի թոփ մենեջեր Օլիվեր Շմիդթին, որին մեղադրում են ԱՄՆ–ում բնապահպանական ստանդարտների հետ խարդախություններ կատարելու մեջ։ Եթե նրա մեղքն ապացուցվի, նրան մինչեւ 169 տարվա ազատազրկում կարող է սպառնալ։
Շմիդթից բացի, ԱՄՆ իշխանությունները «դիզելգեյթի» հետ կապված սկանդալին մասնակցելու համար մեղադրում են Volkswagen–ի եւս 5 մենեջերի՝ Հայնց Յակոբ Նոյսերին, Յենս Հադլերին, Ռիչհարդս Դորենկամպին, Բերնդ Գոթվայսին, Յուրգեն Պետերին։ Սակայն նրանք բոլորը Գերմանիայում են, եւ ԱՄՆ իշխանությունները կասկածում են, որ կարող են հասնել նրանց արտահանձնմանը, փոխանցում է DW–ն։
