Իտալական «Կամորա» հանցավոր խմբավորման անդամ Լուիջի Բ.-ին ձերբակալել են Կրակովի պիցերիաներից մեկում, երկուշաբթի հայտնել է Լեհաստանի ոստիկանության Կենտրոնական քննչական բյուրոն, փոխանցում է «ՌԻԱ Նովոստի»-ն:
Ոստիկանության տվյալներով՝ 52-ամյա կասկածյալը 2013 թվականին թաքնվել է Նեապոլի ոստիկանության ակցիայի ժամանակ, որի ընթացքում 80 մարդ է ձերբակալվել: Նա մինչ օրս թաքնված էր: Նրան կալանավորելու եվրոպական օրդեր էր տրվել: Նրան մեղադրում են կազմակերպված հանցավոր խմբին մասնակցելու, թմրահանցագործությունների, նաեւ զենքի գործադրմամբ կատարած հանցագործությունների մեջ:
Այն մասին, որ կասկածյալը կարող էր Լեհաստանում լինել, տեղի ոստիկանները տեղեկացել են իտալացի գործընկերներից: Լուիջի Բ.-ի ձերբակալությանը մասնակցել են նաեւ կարաբիներները, որին այժմ արտահանձնման գործընթաց է սպասում:
