«Գահերի խաղը» սերիալի վերջին սեզոնը կարող է ավելի երկար լինել, քան ենթադրվում էր: Radio Times-ի հաղորդմամբ՝ այս մասին հայտարարել է HBO հեռուստաալիքի ծրագրերի տնօրեն Քեյսի Բլոյսը:
Նախապես նշվում էր, որ յոթերորդ սեզոնում 7 սերիա կլինի, ութերորդում՝ ընդամենը 6, չնայած մինչեւ հիմա սերիալի յուրաքանչյուր սեզոն կազմված էր 10 սերիայից:
Բլոյսը հույս ունի, որ սերիալի հեղինակները կքննարկեն եզրափակիչ սեզոնում սերիաների թիվն ավելացնելու հնարավորությունը: HBO-ի ներկայացուցիչը, միաժամանակ, նշել է, որ «Գահերի խաղի» հեղինակները միշտ անում են այն, ինչը, նրանց կարծիքով, լավագույնն է շոուի համար:
«Գահերի խաղի» ութերորդ սեզոնի պրեմիերան ակնկալվում է 2018 թվականին: