«Գահերի խաղը» սերիալում նորից կհայտնվի լորդ Ուորդեր Ֆրեյը, որը հայտնի է որպես Կարմիր հարսանիքի կազմակերպիչ։ Այս մասին է վկայում դերասան Դեւիդ Բրեդլիի ակնարկը։ Բրեդլին կերտել է լորդի կերպարը, հայտնում է Life–ը։

Բրեդլիին ներկայացնող գործակալության կայքում դերասանի կերտած դերերի ցուցակում գրված է. «Գահերի խաղը, 1-ին, 2-րդ, 6-րդ եւ 7-րդ եթերաշրջաններ»։ Իսկ քանի որ 6-րդ եթերաշրջանի ավարտին Ֆրեյին սպանել էր Արյա Սթարկը, նշանակում է, որ Ֆրեյը կհայտնի արդեն մահվանից հետո։

Հիշեցնենք, որ սերիալի հաջորդ՝ 7-րդ եթերաշրջանը կմեկնարկի 2017-ի ամռանը։