Ոչ կոմպետենտ որեւէ մեկն իրավունք չունի քիթը մտցնել Լեռնային Ղարաբաղի հակամարտության մեջ: Այս մասին այսօր՝ հունվարի 24-ին, ԵԽԽՎ քարտուղարությանը հանձնած հայտարարությունում ասել է Նաիրա Զոհրաբյանը՝ անդրադառնալով Վլադիմիր Արիևի հեղինակած «Լրագրողների նկատմամբ հարձակումներն ու մամուլի ազատությունը Եվրոպայում» զեկույցին:
Նաիրա Զոհրաբյանն իր հայտարարությունում նշել է, որ »Լրագրողների եւ ԶԼՄ-ների ազատության դեմ հարձակումները Եվրոպայում» զեկույցում Վլադիմիր Արիեւը Ուկրաինայում լրագրողների պրոֆեսիոնալ գործունեությանը խոչընդոտելու 224 դեպքերին, Կիեւի կենտրոնում ուկրաինացի հայտնի լրագրող Պավել Շերեմետի սպանությանը եւ այլ լրջագույն խնդիրներին անդրադառնալու փոխարեն, իրեն իրավունք է վերապահել քիթը մտցնել Լեռնային Ղարաբաղի հակամարտության խնդրի մեջ՝ թույլ տալով անընդունելի ձեւակերպումներ եւ եզրահանգումներ։
«Իմ տպավորությամբ, զեկույցի հեղինակը Եվրոպայում մամուլի ազատության թեման օգտագործել է որպես պատրվակ՝ իր զեկույցում Լեռնային Ղարաբաղը Ադրբեջանի մաս, իսկ Արցախի իշխանությանը՝ անջատողականներ որակելու համար։ Պարոն Արիեւ, ակնհայտորեն ձեզ հանգիստ չեն տալիս Լուկա Վոլոնտեի, Բոբ Վոլթերի, Մելիսա Մարկովիչի եւ ԵԽԽՎ մի շարք այլ պատգամավորների դափնիներն ու դուք գլխապատառ շտապում եք գրավել նրանց տեղը։ Խորհուրդ չէի տա, որովհետեւ նրանց ու Ադրբեջանի մնացյալ լոբբիստներին լավ օրեր չեն սպասվում»,-ասել է նա։