Կենտրոնական Իտալիայում ձնահոսքի տակ մնացած Rigopiano լեռնային հյուրանոցի զոհերի թիվը հասել է 21-ի. անցած գիշեր փրկարարները բազմամետրանոց ձյան տակից եւս երեք մարմին են հանել, հայտնում է RaiNews24-ը:
Պատահարը տեղի է ունեցել հունվարի 18-ին: Ձնահոսքը, որի պատճառը, ամենայն հավանականությամբ, այդ օրը Կենտրոնական Իտալիայում տեղի ունեցած ուժեղ երկրաշարժերն էին, ձյան տակ է թաղել Rigopiano հյուրանոցը, որտեղ 40 մարդ է եղել:
Անցած օրերին փրկարարները հայտնաբերել եւ ձյան տակից հանել են 11 ողջ մնացած մարդու: Ներկայումս 8 մարդ պաշտոնապես անհետ կորած է համարվում: