Գլխավորը դրական մենամարտի ոգին է։ Այս մասին հունվարի 25-ին՝ Երեւանում Eurasia Mobile Challenge նորարարությունների միջազգային մրցույթի տարածաշրջանային եզրափակչի բացման ժամանակ, ասաց ՀՀ տրանսպորտի եւ կապի փոխնախարար Բորիս Դեմիրխանյանը (ֆոտոռեպորտաժ)։
«Ես այդ միջոցառումը մի փոքր այլ ոճով էի պատկերացնում, ավելի պաշտոնական, եւ ես փորձում էի ճիշտ բառեր ընտրել։ Երբ ես բարձրանում էի աստիճաններով, ես տեսա երիտասարդների, տեսա նրանց աչքերի կայծը եւ մտածեցի, որ փողկապն ավելորդ է։ Գլխավորը դրական մենապարտի ոգին է»,– ասել է նա՝ հավելելով, որ կարեւոր է ամբողջ կյանքում կարողանալ թիմով աշխատել։
«Հայաստանի նման երկրի համար շատ կարեւոր է ընդունել եւ անցկացնել միջազգային մասշտաբի միջոցառումներ»,– ասել է փոխնախարարը։
Նշենք, որ «ՎիմպելԿոմ» ընկերության կազմակերպած մրցույթի նպատակն է գտնել բջջային, ֆինանսական եւ digital ծառայությունների ոլորտում թասրմ գաղափարներ։ Տարածաշրջանային եզրափակիչ փուլին մասնակցում են 8 երկրների 24 թիմեր։
