Թմրադեղերի առեւտրականների ավազակախմբի նախկին անդամ Դամարլոն Թոմասը, որը ԱՄՆ նախկին նախագահ Բարաք Օբամայի հրամանագրով անսպասելի ազատ էր արձակվել բանտից, ազատության մեջ հայտնվելուց գրեթե անմիջապես հետո սպանվել է։
Թոմասը 20 տարվա ազատազրկման էր դատապարտվել թմրադեղերի առեւտրի համար։ Երկար տարիներ նա փորձում էր կրճատել բանտարկության ժամկետը, բայց ապարդյուն։ Օբամայի հրամանի շնորհիվ նրան ներում էր շնորհվել, շատ ուրիշ բանտարկյալների պատիժն էլ մեղմվել էր։ Սակայն Թոմասին չի հաջողվել վայելել բաղձալի ազատությունը։ Երկու դիմակավորված անհայտ անձինք տունդարձի ճանապարհին կրակել ու սպանել էին նրան։ Թոմասը մահացել է գլխին ստացած մահացու վիրավորումից։