Ամերիկյան Ford կոնցեռնը մտադիր է առաջիկա 5 տարիների ընթացքում 1 միլիարդ դոլարի ներդրում կատարել անօդաչու մեքենաների կառուցման համար։
Ընկերության մամլո ծառայությունը նախօրեին տարածած հաղորդագրությն մեջ նշել է, ավտոարտադրող հսկան միջոցները ներդնելու է արհեստական բանականության մշակմամբ զբաղվող Argo Al ստարտափի մեջ։ Դրա ղեկարարության կազմում են ընդգրկվել Google եւ Uber ընկերությունների նախկին կառավարիչները։ Ստարտափը զբաղվելու է սրագրային ապահովմամբ, որը կարող են հետագայում կիրառել նաեւ այլ ավտոարտադրողները, հաղորդում է DW–ն։
Նշվում է նաեւ, որ մինչեւ 2020 թվականը Ford կոնցեռնը մտադիր է լրացուցիչ 4,5 միլարդ ներդնել էլեկտրական եւ հիբրիդային շարժիչներով աշխատող 13 նոր մոդելների ստեղծման համար։ Այդպիսով, նման մեքենաների մասնաբաժինը շուկայում ներկայիս 13–ից կհասցվի 40 տոկոսի։
