ԼՂՀ սահմանադրության նախագծի հանրաքվեի քվեարկությանն այսօր` փետրվարի 20-ին, ժամը 17.00-ի դրությամբ մասնակցել է 65 հազար 439 քաղաքացի կամ ընտրողների 63,68 տոկոսը:
Նշենք, որ այսօր Արցախի Հանրապետությունում անցկացվում է Արցախի Հանրապետության Սահմանադրության նախագծի վերաբերյալ հանրաքվե, որի քվեարկությանը մասնակցելու իրավունք ունի 102 757 քաղաքացի: Հանրաքվեն անցկացնելու համար ստեղծվել է 280 ընտրական տեղամաս՝ 12 ընտրատարածքում:
Հանրաքվեում «այո»-ի հաղթանակի դեպքում երկիրը կիսանախագահական կառավարման համակարգից կանցնի նախագահական համակարգի:
