Բելառուսի առաջնորդ Ալեքսանդր Լուկաշենկոն թույլ չի տա Բելառուսի տարածքն օգտագործել Ուկրաինայի դեմ ոչ բարեկամական նպատակների համար։ Այս մասին հայտարարել է Ուկրաինայի նախագահ Պյոտր Պորոշենկոն, հաղորդում է «112 Ուկրաինա» հեռուստաալիքը։
«Հյուսիսում Կրեմլը ուժգնացնում է Բելառուսի վրա ճնշումը։ Չնայած ես վստահ եմ, որ նախագահ Լուկաշենկոն, ինչի մասին նա ինքն ինձ բազմիցս ասել է, թույլ չի տա օգտագործել իր տարածքը մեր նկատմամբ թշնամական գործողությունների նպատակով»,-ասել է Պորոշենկոն։
Նա հայտարարել է, որ Բելառուսի տարածքում «Լուկաշենկոն արգելել է օգտագործել» ինքնահռչակ Դոնեցկի եւ Լուգանսկի ժողովրդական հանրապետությունների փաստաթղթերը՝ «որպես ճամփորդելու համար փաստաթղթեր»։