ՀՀՇ երիտթեւի ղեկավարի պաշտոնից ՀՀՇ վարչության նախկին անդամ Կարեն Կարապետյանի հրաժարականի մեջ որեւէ քաղաքական ենթատեքստ չկա: Նման մեկնաբանությամբ է հանդես եկել ՀՀՇ վարչության նախագահ Արամ Մանուկյանը, տեղեկացնելով, որ կուսակցությունը նախապատրաստվում է ՀՀՇ երիտթեւի նոր համաժողովին, որտեղ կընտրվի նոր նախագահ, նոր խորհուրդ:
Ա. Մանուկյանը նկատել է նաեւ, որ Կարեն Կարապետյանի տարիքը անցել էր այդ պաշտոնի համար (Կարեն Կարապետյանը 36 տարեկան է): «Հիմա Կարեն Կարապետյան էլ է մասնակցում այդ համաժողովի նախապատրաստական աշխատանքներին»,- ասել է նա:
Հիշեցնենք, որ այսօր` նոյեմբերի 11-ին հրաժարականի դիմում է ներկայացրել ընդդիմադիր Հայոց Համազգային շարժում կուսակցության երիտթեւի նախագահ Կարեն Կարապետյանը: Այս տարվա հուլիսին ՀՀՇ-ում ծավալված խմորումներից հետո Կարապետյանը հրաժարական էր տվել նաեւ կուսակցության լրատվական ծառայության ղեկավարի պաշտոնից:
NEWS.am-ի թղթակցի հետ զրույցում Կարապետյանը չի ցանկացել մեկնաբանություններ տալ իր հրաժարականի կապակցությամբ, նշելով, որ առժամանակ զերծ է մնում հրաժարականի պատճառները բարձրաձայնելուց:
