Թուրքիան արգելափակել է ՆԱՏՕ-ի գործընկեր երկրների հետ զորավարժություններն ու այլ նախագծեր՝ Անկարայի ու ԵՄ մի շարք երկրների միջեւ բորբոքված դիվանագիտական սկանդալի ֆոնին, հայտնում է Reuters –ը։
Ըստ գործակալության աղբյուրների՝ Թուրքիան արգելափակել է ՆԱՏՕ-ի ու ԵՄ անդամ չհանդիսացող երկրների համագործակցության ծրագրերը։ Այդ թվում քաղաքական միջոցառումները, քաղաքացիական նախագծերն ու զորավարժությունները։
Ավստրիայի ՊՆ-ում հաստատել են Թուրքիայի կողմից մի շարք ծրագրերի արգելափակումը։ Գերատեսչության ներկայացուցչի խոսքով այդ գործողությունները չեն ազդել ընթացիկ առաքելությունների վրա, բայց կարող են խնդիրներ առաջացնել երկարաժամկետ հեռանկարում։
ՆԱՏՕ-ի չինովնիկը նույնպես հաստատել է, որ որոշ միջոցառումներ չեղարկվել են։ Նրա խոսքով, հույս կա , որ դրանք կկայանան ավելի ուշ։ «Սա քաղաքական խնդիր է։ Հույս ունենք, որ հանրաքվեից հետո իրավիճակը կհանդարտվի»,- ասել է նա։
