Եվրահանձնաժողովը Եվրամիության եւ Թուրքիայի միջեւ կնքված միգրացիոն համաձայնագրին իրատեսական այլընտրանք չի տեսնում, չնայած դրա իրականացման դժվարություններին: «ՌԻԱ Նովոստի»-ի փոխանցմամբ՝ այս մասին հայտարարել է ԵՀ-ի պաշտոնական ներկայացուցիչ Մարգարիտիս Սհինասը:
«ԵՄ-Թուրքիա հայտարարությունը փոխեց իրավիճակը եւ թույլ տվեց կործանել մաքսանենգների ստեղծած դաժան համակարգը, որոնք շահույթ էին ստանում մարդկանց դժբախտությունից եւ մարդկանց վտանգի էին ենթարկում: Մենք համաձայնագիրը քննադատողներին շատ ենք լսում, բայց ոչ մեկը չի ներկայացնում կենսունակ այլընտրանք, որը թույլ կտար նման թվաքանակով մարդկանց փրկել»,- լրագրողների հետ հանդիպման ժամանակ հայտարարել է Սհինասը՝ մեկնաբանելով համաձայնագրի ճակատագիրը:
Նրա խոսքով՝ ի դեպ, «այն կատարելը նախկինի պես դժվար է»: