Անբարեխիղճ շինարարների համար ավելի բարդ կլինի խաբել քաղաքացիներին, եթե նրանք ունենան բոլորին հայտնի ցածր վարկանիշ։ Այս մասին հայտարարել է իշխող Հայաստանի Հանրապետական կուսակցության փոխնախագահ, ՀՀ վարչապետ Կարեն Կարապետյանը՝ Երեւանի Շենգավիթ շրջանում ընտրողների հետ հանդիպման ժամանակ։
Հանդիպման ժամանակ բողոքով նրան դիմել է մի տարեց տղամարդ՝ հայտարարելով, թե իր եւ իր հարեւանների տները քանդել են շինհրապարակի համար, բայց փոխհատուցում մինչ օրս չեն տվել։
Կառավարությունը ցանկանում է խթանել «վարկանիշավորումը»՝ ամենատարբեր հաստատությունների համար՝ հիվանդանոցներ, բուհեր, ասել է վարչապետը։
«Այդ ժամանակ՝ երեխաներին բուհ ուղարկելով, մարդը կկարողանա տեսնել՝ արդյոք նա լավն է համարվում, թե ոչ, եւ ինչի նա կարող է սպասել իր փողերի դիմաց։ Հուսալիները պահանջարկ կունենան, անհուսալիները՝ ոչ։ Իսկ նամակը փոխանցեք, անպայման կքննարկենք», - հավելել է նա։
Հիշեցնենք, որ 2004-ին քանդվել են Բյուզանդ եւ Լալալյանց փողոցների տները։ Բնակիչներին խոստացվել էր ամենաուշը եռամյա ժամկետում փոխհատուցում։ «Գլենդել Հիլս» ընկերությունը բնակիչերի հետ պայմանագիր է կնքել, սակայն մինչ օրս փոխհատուցում չեն ստացել նրանցից ոչ մեկը։
