Ոստիկանության աշխատակիցները մարտի 9-ին ոստիկանության կենտրոնականի բաժին բերման են ենթարկել Երեւանի բնակիչ 32-ամյա Ավետիք Գ.-ին: Նա մարտի 2-ին հետախուզվում էր խարդախության եւ փաստաթուղթ կեղծելու համար:
Պարզվել է, որ 2014 թվականի դեկտեմբերին Ավետիք Գ.-ն իր մտերիմներ Վազգեն Գ.-ն եւ Սերգեյ Ա.-ն համաձայնության են եկել ուրիշի առանձնապես խոշոր չափերի գույքը հափշտակելու շուրջ:
Ոստիկանության մամուլի ծառայությունից NEWS.am-ին հայտնում են, որ 2014-ի դեկտեմբերին վերջին Վազգեն Գ.-ն վարձել է Երեւանի Տերյան փողոցի 62-րդ շենքի բնակարաններից մեկը, ապա ձեռք բերել նվիրատվության կեղծ պայմանագիր, ըստ որի տանտերը բնակարանը նվիրել է Ավետիք Գ.-ին: Գնորդ են գտել, Վազգենն ու Սերգեյը ներկայացել են որպես տանտերեր՝ հայտենոլով, որ տունն իրենց ազգականի անունով է:
Նրանք տունը վաճառել են 120 հազար դոլարին համարժեք դրամով:
Իրական տանտերը դիմել է ոստիկանություն: Իրավապահները հայտնաբերել են բոլոր երեք կասկածյալներին:
