Global Finance ամսագիրը 2017-ի վարկանիշում Ameriabank-ն անվանել է Հայաստանի լավագույն բանկը ։
Global Finance ամսագիրը հրապարակել է 2017-ի համար աշխարհի լավագույն բանկերի ամենամյա վարկանիշը։ Ասիական –խաղաղօվկիանոսյան տարածաշրջանում հաղթողների անունները հայտնել էին մարտի սկզբին, մինչդեռ ամբողջական ցանկը հայտնի կդառնա ամռանը ու կհրապարակվի ամսագրի հոկտեմբերյան համարում։
Լավագույնների ցանկը կազմել է Global Finance ամսագիրը ՝ կորպորատիվ ֆինանսական ղեկավարների, բանկիրների ու բանկային խորհրդականների, նաեւ ամբողջ աշխարհի վերլուծաբանների հետ խորհրդակցություններից հետո։ Բացի դրանից իրականացվել է Global Finance–ի կորպորատիվ ընթերցողների հարցում՝ արդյունքների ճշգրտությունն ու հավաստիությունը բարձրացնելու նպատակով։ « Best Bank Awards ամենամյա վարկանիշը առանձնացնում է այն ֆինանսական հաստատությունները , որոնք աչքի են ընկնում հաճախորդների պահանջների բավարարմանը հարմարեցված ծառայությունների տրամադրումով։ Այդ բանկերը գուցե ամենախոշորը ու ամենաերկար պատմություն ունեցողը չեն, բայց դրանց էներգիան ու ադապտացման ունակությունը դրանց առանձնացնում են մյուս հաստատություններից»,- ասել է ամսագրի գլխավոր խմբագիր Ջոզեֆ Դ․ Ջիարրապուտոն։