Հայաստանի բնակչության մեծ մասը կողմ է Ռուսաստանի հետ հարաբերությունների խորացմանը։ Այս մասին հայտարարել է հետազոտական-վերլուծական «Ինտեգրում եւ զարգացում» հասարակական կազմակերպության նախագահ Արամ Սաֆարյանը՝ Երեւան-Մոսկվա հեռուստակամուրջի ընթացքում։
Նրա խոսքով՝ հարցումների ու հետազտոտությունների արդյունքները վկայում են այն մասին, որ Հայաստանի բնակչության 70 տոկոսը կողմ են Հայաստանի եւ Ռուսաստանի հարաբերությունների խորացմանը։ Մյուսները՝ չնայած որ հանդես են գալիս արեւմտամետ դիրքորոշմամբ, ընտրություններին իրենց ձայներն ամենեւին էլ չեն տվել արեւմտամետ ուժերին։ «Անհասկանալի է՝ ուր գնացին նրանց ձայները, եթե նրանց կուսակցությունները ձայն չհավաքեցին։ Ակնայտ է, որ նրանք քվերակել են մրցապայքարի առաջին երկու առաջատարների օգտին», - կարծում է Սաֆարյանը։
Նա հիշեցրել է, որ իշխող ՀՀԿ-ն ղեկավարվում է հարաբերությունների զարգացման բազմավեկտոր մոտեցմամբ՝ սրացումներից խուսափելու եւ Արեւելքի ու Արեւմուտքի պայքարի բովում չհայտնվելու համար», - նշել է Սաֆարյանը։