Թուրքիայի ընդդիմադիր Cumhuriyet (Ջումհուրիյեթ) պարբերականի կալանավորված 19 լրագրողների դեմ գործի շրջանակներումպատրաստված մեղադրական զեկույցն ուղարկվել է ծանր հանցագործությունների գործերով դատարան։

Թուրքական Sabah–ի փոխանցմամբ՝ Cumhuriyet պարբերականի գլխավոր խմբագրի ու լրագրողների դեմ մեղադրական զեկույցը կազմվել է Թուրքիայի գլխավոր դատախազի տեղակալ Մեհմեդ Աքըֆ Էքինջեւեի եւ հանրապետական դատախազ Յասեմին Բաբայի կողմից։ Մեղադրական զեկույցում թիվ մեկ մեղադրյալ է ներկայացվում Cumhuriyet գլխավոր խմբագիր Ջան Դյունդարը։

Մեղադրական զեկույցում կալանավորված լրագրողները մեղադրվում են PKK–ին, գյուլենականներին ու մարքսիստ–լենինիստներին աջակցություն ցուցաբերելու մեջ։

Նշենք, որ Cumhuriyet–ի լրագրողներն ու խմբագիրը ձերբակալվել էին 5 ամիս առաջ։