Երեք ուժեղ երկրաշարժ է տեղի ունեցել ապրիլի 8-ին Ֆիլիպիններում։ ԱՄՆ երկրաբանական ծառայության տվյալներով, ցնցումների մագնիտուդը հասել է 5․9-ի։

Երկրաշարժներ են գրանցվել Մանիլայից հարավ՝ Լուզոն կղզում։ Էպիկենտրոնը մայրաքաղաքից 91 կմ հեռավորության վրա է եղել։

Գրանցվել են 5․0, 5․5 եւ 5․9 մագնիտուդով երեք երկրաշարժ։ Երկրաշարժի օջախը 80 կմ խորության վրա է եղել։

Տուժածների ու փլուզումների մասին տվյալներ առայժմ չկան։