Կաննի 70-րդ կինոփառատոնի մրցութային ծրագրում ներկայացված է լինելու 19 ֆիլմ։ Այդ թվում Անդրեյ Զվյագինցեւի «Ոչ սերը» ու Սերգեյ Լոզնիցայի «Ամոթխածը»։ Բացի դրանից մրցույթ են վերադառնում նաեւ կինոփառատոնի այնպիսի նշանավոր մասնակիցներ, ինչպիսիք են Ֆրանսուա Օզոնը, Միխայել Հանեկեն ու Ֆաթիհ Ակինը, փոխանցում է т RFI–ն։
Ապրիլի 13-ին Փարիզում կայացել է մամուլի ասուլիս, որի ժամանակ հայտարարել են կինոփառատոնի մասնակիցների ցուցակը։ Փառատոնի արթ – տնօրեն Տյերի Ֆրեմոն հայտարարել է 19 ֆիլմերի անունները, որոնք այս տարի պայքարելու են Ոսկե արմավենու ճյուղի համար։
Ռուս ռեժիսորներից ներկայացված են լինելու Անդրեյ Զվյագինցեւի ու Սերգեյ Լոզնիցայի ֆիլմերը։ Թուրքիայից մրցույթին մասնակցելու է Ֆաթիհ Ակինը, Ճապոնիայից՝ Նաոմի Կավասեն , իսկ Ավստրիայից՝ Միխայել Հանեկեն։
ԱՄՆ-ն մրցույթում կներկայացնեն Թոդ Հեյնսը, Սոֆիա Կոպոլան, Յորգոս Լանտիմոսը։
Մրցույթում լինելու է չորս ֆրանսիական ֆիլմ՝ ռեժիսորներ Ֆրանսուա Օզոնի, Միշել Ազանավիչյուսի, Ժակ Դոյոնի ու Ռոբեն Կամպիյոնի ֆիլմերը։ Իսկ ֆրանսիացի ռեժիսոր Արնո Դեպլեշենի «Իսմայիլի ուրվականները» ֆիլմը մայիսի 17-ին կցուցադրվի փառատոնի բացման ժամանակ։
Փառատոնը կփակվի մայիսի 28-ին, երբ Պեդրո Ամոլդովարի նախագահությամբ հանձնաժողովը կհրապարակի այս տարվա հաղթողների ցուցակը։