Չեխական Skoda ընկերությունը կներկայացնի Vision E քրոսօվերը, որը դարձել է առաջին էլեկտրամոբիլն ապրանքանիշի պատմության ընթացքում։ Պաշտոնական պրեմիերան կանցնի Շանհայում միջազգային ավտոսալոնի շրջանակում, հայտնում է Lenta–ն։
Չորս տեղանոց մեքենան սարքավորված է 300 ձիաուժ հզորությամբ էլեկտրական շարժիչով։ Առավելագույն արագությունը կազմում է 180 կմ ժամում։ Միայն լիցքավորումով վազքը, արտադրողի տվյալներով, մոտ 500 կմ է։
Դիզայներները մեքենայի ինտերիերը դարձրել են լուսավոր ու օդային։ Դասական էկրանից բացի, որի վրա երեւում է ուղեւորության մասին հիմնական տեղեկությունը, մեքենայում նախատեսված են առանձին դիսփլեյներ ուղեւորներից յուրաքանչյուրի համար։
Էլեկտրամոբիլը սարքավորված է վարորդի օգնության համար ժամանակակից համակարգերով՝ խցանումների մեջ երթեւեկության Traffic Jam Assist օգնականով՝ ավտոպիլոտի ֆունկցիայով, նաեւ կայանելու ավտոպիլոտով։ Նախատեսված է մեքենայի կառավարում շարժումների օգնությամբ, ձայնային կառավարում, աչքերի դիրքին հետեւող Eye Tracking համակարգ, վարորդի հոգնածության մշտադիտարկման համակարգ, վարորդի զարկերակի չափման համակարգ։