Ապրիլի 27-ին տեղի ունեցած նիստի ժամանակ ՀՀ կառավարությունը հավանության է արժանացրել Վարչական իրավախախտումների օրենսգրքի նոր խմբագրության նախագիծը, որի հիմնական տեքստը գործում է դեռ 1985 թվականից։
Ինչպես նիստի ժամանակ հայտարարել է Արդարադատության նախարար Արփինե Հովհաննիսյանը՝ ներկա օրենսդրությունում բացակայում են վարչական գործընթացի այնպիսի հիմնարար գործընթացներ, ինչպես գործը փակելն ու վերականգնելը։ Առաջարկված են դրանց արդյունավետ կիրառության միջոցներ։ Բացի այդ, փորձ է արվում սահմանազատել վարչական ու քրեական պատասխանատվությունը, քանի որ այսօր շատ դեպքերում միեւնույն խախտումը որակավարվում է եւ որպես վարչական իրավախախտում, եւ որպես քրեական հանցագործություն։