Apple կորպորացիան պատենտավորել է նոր կցորդիչ սմարթֆոնների ու այլ շարժական սարքերի համար։  Սակայն դա Smart Connector կցորդիչը չէ , ինչպես iPad Pro –ում, որը թույլ է տալիս պլանշետը միացնել արտաքին ստեղնաշարի հետ, չնայած մինչ այդ ակնկալվում էր, որ iPhone 7 Plus–ը հենց այդ կցորդիչով կսարքավորվի։

Հավանաբար ընկերությունը մտադիր է հրաժարվել ֆիրմային Lightning–ից ՝ ի օգուտ նոր տեսակի կցորդիչների, որոնք , ըստ պատենտի նկարագրության, պետք է գտնվեն ինչ-որ ինքնավերականգնվող նյութի շերտի տակ։ Մալուխի շերտազատումից հետո այդ նյութը պետք է ընդունի իր սկզբնական ձեւը, ու հեռախոսի կորպուսի վրա որեւէ անցք չի մնա։Նույնատեսակ կցորդիչ էլ ծրագրում են խելացի ժամացույցների մեջ տեղադրել։

ԱՄՆ պատենտների ու ապրանքանիշերի հարցերով բյուրոն վերջերս գրանցել է Apple ընկերության ընդամենը 60 նորամուծություն։ Դրանցից մեկում նկարագրված է սովորական այֆոն հիշեցնող սմարթֆոն, սակայն կերամիկական կորպուսով։ Ընդ որում կերամիկական ծածկույթի մեջ ներկցված են էլեկտրական ակտիվ բաղադրիչներ, որոնք սարքավորումը դարձնում են ավելի զգայում հպումների նկատմամբ։