«Երկիր Ծիրանի» կուսակցությունը գալիս է մայրաքաղաքը աղբից, կոռուպցիայից եւ անարադարությունից ազատագրելու: Այս մասին այսօր` ապրիլի 28-ին, լրագրողների հետ զրույցում ասաց «Երկիր Ծիրանի» ավագանու թեկնածու Սոնա Աղեկյանը:
«Ցանկանում ենք մեր քաղաքը դարձնել հարմարավետ երեւանցու համար: Մեր ծրագիրը գրողները ժողովրդի միջից են եւ գիտեն, թե ինչ է պետք բարեփոխումների համար: Մենք գալիս ենք ազատագրելու մայրաքաղաքը տիրող կոռուպցիայից, անարդարություններից, աղբից: Կոռուպցիոն պայքարի համար մշակված հատուկ մեխանիզմներ ունենք: Երթուղային տաքսիով երթեւեկելիս ինքնասիրություն, եւ ամեն ինչ մի կողմ ես դնում, որպեսզի երթեւեկես քաղաքում: Ստվերում գործող բոլոր գծատերերին պետք է հանել, միայն քաղաքապետարանը պետք է լիազորված լինի զբաղվել տրանսպոտի ոլորտով, որպեսզի այս ոլորը կարգավորվի»,-ասաց նա:
Սոնա Աղեկյանը նշեց, որ «Երկիր Ծիրանին» չի տեսնում մրցակիցների եւ կուսակցության հիմնական թիրախը Հայաստանի հանրապետական կուսակցությունն է:
«Մեր հիմնական թիրախը հանրապետականն է, որը գիտեք, թե այս պահին ինչ վիճակում է պահում մայրաքաղաքը, մենք գալիս ենք Արգիշտի 1-ը վերցնելու, «Երկիր Ծիրանի» կուսակցությունը մայիսի 15-ից վերցնելու է քաղաքապետարանը»,-ասաց նա:
Հիշեցնենք, որ մայիսի 14-ին տեղի կունենա Երեւանի ավագանու ընտրությունները, որին մասնակցելու է Հայաստանի հանրապետական կուսակցությունը, «Երկիր Ծիրանին» եւ «Ելք» դաշինքը: