Հայաստանի ԱԻՆ-ում, այսօր՝ մայիսի 1-ին, ժամը 13:11-ին ահազանգ է ստացվել, որ Մեղրի-Լեհվազ ավտոճանապարհին տեղի է ունեցել ավտովթար, կա տուժած. անհրաժեշտ է հրշեջ-փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Մեղրի-Լեհվազ հատվածի 4 կմ-ում «ՎԱԶ 21-06» մակնիշի 53 SL 838 համարանիշի (վարորդ՝ 18-ամյա Ռ. Մ.) ավտոմեքենան գլորվել (մոտ 8 մ) Մեղրիի գետի կիրճը:
Մինչ փրկարարների կանչի վայր հասնելը՝ վարորդը տեղի ուժերով տեղափոխվել է Մեղրիի ԲԿ, որտեղ բժիշկները տուժածի առողջական վիճակը գնահատվել է բավարար:
Փրկարարները հոսանքազրկել են ավտոմեքենան, փակել գազի բալոնի փականը եւ հատուկ տեխնիկայի միջոցով, դուրս են բերել երթեւեկելի հատված:
