Գերմանացի քննիչները երկրի զինված ուժերում, հայտնաբերել են նեոնացիստների բջիջ հայտնում է Hannoversche Allgemeine-ը։
Հետաքննությունը սկսելու համար խթան էր հանդիսացել բունդեսվերի զինծառայողի հետ կապակցված միջադեպը՝ նա փախստականի վկայական էր ստացել, իսկ հետո փորձել ահաբեկչություն իրականացնել՝ միգրանտների նկատմամբ հասարակության վերաբերմունքը վատացնելու նպատակով։ Իրավապահները Վիեննայի օդանավակայանում հայտնաբերել էին զինծառայողի թաքցրած ատրճանակը, իսկ հետո ձերբակալել նրան
Ոստիկանները ձերբակալել են նաեւ նրա հինգ հանցակիցներին ու խուզարկություններ անցկացրել Գերմանիայի հյուսիս- արեւելքում՝ Իլկիրշ- Գրաֆֆենշտանդենում գտնվող զորամասում։ Այնտեղ հայտնաբերել են սվաստիկայի նշանով ինքնաձիգ, նաեւ նացիոնալ – սոցիալիզմի ժամանակներից վերմախտի զինվորների պատկերով պաստառ։ Իսկ պատին «Հայլ Հիտլեր» ողջույնի առաջին տառերն էին գրված ՝ HH։
Հետաքննության պատճառով Գերմանիայի պնախարար Ուրսուլա ֆոն դեր Լյայենը չեղարկել է ԱՄՆ ծրագրված այցելությունը ու գումարել բանակային հրամանատարների խորհրդակցություն։ Նա ծրագրում է մեկնել Իլկիրշ- Գրաֆֆենշտանդեն՝ տեղում իրավիճակը վերահսկելու համար։
Գերմանական հետախուզության տվյալներով 2011-ից առայսօր Գերմանիայի զինված ուժերում գրանցվել է ուլտրաաջ ծայրահեղականների հավանական ակտիվության 725 դեպք։