Volvo մակնիշի բեռնատար ստորաբաժանումը սկսել է անվարորդ աղբատարի փորձարկումները: Թեստերն անցկացվում են շվեդական Renova ընկերության հետ համատեղ, որը զբաղվում է թափոնի օգտահանմամբ: Փորձարկումները կտեւեն մինչեւ 2017-ի տարեվերջ, փոխանցում է Motor-ը:
Երբ մեքենան առաջին ագամ հայտնվի անծանոթ փողոցում, անհրաժեշտ կլինի այն ձեռքով կառավարել: Այս ընթացքում ավտոպիլոտի համակարգը մտապահում է շարժման երթուղին եւ վայրերը, որոնց մոտ գտնվում են աղբարկղերը:
Հաջորդ անգամ վարորդը կարող է խցիկից դուրս գալ արդեն կանգառի առաջին կետում, գործարկել ավտոմատ կառավարումը եւ զբաղվել աղբը հավաքելով: Ըստ որում՝ մի աղբարկղից մյուսը ավտոմեքենան շարժվում է հետընթացով՝ ինքնուրույն շրջանցելով խոչընդոտները եւ կայանված մեքենաները:
«Մեքենայի հետընթաց շարժման շնորհիվ վարորդը մշտապես գտնվում է աղբը խտացնող բաժանմունքի կողքին եւ ամեն անգամ թափքի ետեւի մասից մինչեւ խցիկ եւ հակառակը գնալու անհրաժեշտություն չունի»,- ասել են Renova ընկերությունից: Բեռնատարը հագեցած է հատուկ սենսորներով, որոնք վտանգի դեպքում մեքենան անմիջապես կանգնեցնում են: