Իրանի նախագահական ընտրությունների բոլոր 63 հազար ընտրատեղամասերում քվեարկությունն ավարտվել է, սկսվել է ձայների հաշվարկը։ Այս մասին ասվում է ՆԳՆ-ի հայտարարության մեջ, փոխանցում է ՌԻԱ Նովոստին։
«Ընտրատեղամասերում սկսվել է ձայների հաշվարկ։ Թեկնածուների ներկայացուցիչներին թույլատրվել է ներկա գտնվել հաշվարկին»- ասվում է ՆԳՆ-ի հայտարարության մեջ։
Երկրի բոլոր ընտրատեղամասերը փակվել են ժամը 00։00-ին, տեղական ժամանակով։ Քվեարկության ժամանակը երկու անգամ երկարացվել է։
Իրանի ՆԳ նախարար Աբդոլրեզ Ռահմանի Ֆազլին հայտնել է, որ ըստ օրենքի արգելվում է քվեարկության ժամանակը մինչեւ հաջորդ օր երկարացնելը։
