Հարավաֆրիկյան Հանրապետության Kruger այգում այցելուներն ականատես են եղել, թե ինչպես է այծքաղը մի քանի րոպե մեռած ձեւացել՝ ավելի խոշոր մրցակցի հետ չկռվելու համար:
Կենդանիներից մեկն անշարժ պառկած է եղել, մյուսը՝ ավելի խոշորը, կանգնել է նրա մոտ, հաղորդում է Daily Mail-ը:
Խոշոր կենդանին մի քանի վայրկյան փորձել է տեղից շարժել պառկածին՝ քաշելով եղջյուրներից եւ բարձրացնելով մարմնի տարբեր մասերը: Սակայն մյուսը շարունակել է անշարժ մնալ: Երբ մրցակիցը կենդանուն վեր է բարձրացրել հետեւից, նա հանկարծակի «կենդանացել է» եւ փորձել փախչել, իսկ մյուսը սկսել է հետապնդել:
