![](img/news/03/92/92/default.jpg)
Թեհրանը կարծում է, որ ԼՂ խնդրի կարգավորմանը խանգարում են «արտաքին ուժերը»: «Տարածաշրջանի թշնամիները չեն ցանկանում ԼՂ հակամարտության կարգավորում»: Այս մասին, ըստ ադրբեջանական APA գործակալության, այսօր նոյեմբերի 24-ին ասուլիսում նշել է Ադրբեջանում Իրանի դեսպան Մուհամմեդբահիր Բահրամին:
Դեսպանը նկատել է, որ Իրանը ցանկանում է ԼՂ խնդրի արագ կարգավորում, ինչպես նաեւ նույնկերպ ցանկանում է խաղաղության ու կայունության վերականգնում Աֆղանստանում եւ Իրաքում: «Իրանը հենց սկզբից ճանաչել է Ադրբեջանի տարածքային ամբողջականությունը, միշտ պաշտպանել է Ադրբեջանի արդար իրավունքը միջազգային ասպարեզներում»,- ասել է նա:
Ավելի վաղ NEWS.am-ը հայտնել էր, որ ԼՂ խնդրի կարգավորման շրջանակներում վերջին մի քանի ամիսներին կրկին ակտիվացել է Իրանը: Ավելի վաղ Երեւան կատարած այցելության ժամանակ Իրանի ԱԳ նախարար Մանուչեհր Մոթաքին հայտարարել էր, որ Թեհրանը պատրաստ է ԼՂ հարցում անհրաժեշտ օգնություն ցուցաբերել Հայաստանին եւ Ադրբեջանին:
Ապրիլի 20-ին Հայաստանի ԱԳՆ մամուլի քարտուղար Տիգրան Բալայանը նշել էր, որ Հայաստանի ԱԳՆ-ն այս փուլում ձեռնպահ է մնում որեւ մեկնաբանությունից կապված Իրանի նախաձեռնողականության հետ: