Համաշխարհային տնտեսական ճգնաժամի հետեւանքով հայաստանցիների 84,8 տոկոսի վիճակն անփոփոխ վատ է մնացել կամ ավելի է վատացել։ Այս մասին են վկայում «Սոցիոմետր» կենտրոնի կողմից հոկտեմբեր ամսին 1650 հայաստանցիների շրջանում անցկացված սոցհարցման արդյունքները։
Ճգնաժամը բացասական ազդեցություն չի ունեցել հարցվածներիի 14,3 տոկոսի վրա. նրանցից 12 տոկոսի վիճակն անփոփոխ լավ է մնացել, իսկ 2,3-ինը՝ անգամ լավացել է։
Ինչ վերաբերում է համաշխարհային տնտեսական ճգնաժամի՝ ընտանիքների կացության վրա թողած ազդեցությանը, ապա երեւույթը պատճառ է հանդիսացել, որ հարցվածների 25,4 տոկոսը պարտքեր կուտակի, 16,1 տոկոսը կորցնի աշխատանքը, 10 տոկոսը հրաժարվի իրեն նշանակված բուժումից, 14,5 տոկոսի ընտանիքի անդամներն արտագաղթեն, իսկ 2,7 տոկոսը կորցնի իր բիզնեսը։