![](img/news/39/70/56/default.jpg)
Վրաստանի նախկին նախագահ ու Օդեսայի նախկին նահանգապետ Միխայիլ Սահակաշվիլին Ուկրաինայի նախագահ Պյոտր Պորոշենկոյից պահանջել է փոխհատուցել Lacoste ապրանքանիշի մարզաշապիկի գինը, որի վրա ադամանդե կանաչ էին թափել Լադիժին քաղաքում նրա ելույթի ժամանակ։ Իր պահանջը Սահակաշվիլին հրապարակել է Facebook-ում։
«Հերթական հարձակումը ադամանդե կանաչով Լադիժինում։ Հարձակվողը խոստովանել է, որ իրեն 200 գրիվենով վարձել են մարդիկ, որոնք նման էին Պյոտր Պորոշենկոյի դաշինքի տեղի ղեկավարներին։ Մենք ամեն ինչ տեսագրել ենք ու շուտով ձեզ ցույց կտանք։ Նորից նոր մարզաշապիկ եմ հագել ու նորից փչացրել են, սրիկաները։ Ես գնացել էի Վադիմի ավարտական երեկոյին, որի մորը՝ Թամարային, մենք ցուցադրել էինք հաղորդման ընթացքում։ Փորձից խրատված՝ ես միշտ ինձ հետ հավելյալ հագուստ եմ վերցնում, այնպես որ ես փոխեցի հագուստս, լուսանկարվեցի Լադիժինի դպրոցի շրջանավարտների հետ ու մասնակցեցի ավարտական հավաքույթին։ Պյոտր Ալեքսեյի, Դուք կամ դադարեցրեք այս մանկապարտեզը, կամ էլ ինձ փոխհատուցեք իմ Lacoste մարզաշապիկի գինը, որը ես Ամստերդամի օդանավակայանում էի գնել՝ Թանզանիայից վերադառնալիս։ Հարցի գինը 50 եվրո է»,- գրել է Սահակաշվիլին։