Իրաքի կառավարական զորքերը Մոսուլում ահաբեկիչներից հետ են խլել ավերված մզկիթը, որտեղ երեք տարի առաջ «Իսլամական պետության» գրոհայինները խալիֆայություն են հռչակել։ Այս մասին հաղորդում է Reuters-ը՝ վկայակոչելով իրաքցի զինծառաողներին։
Իրաքի իշխանությունները սպասում են, որ Մոսուլի համար մարտերը կավարտվեն առաջիկա օրերին, քանի որ ԻՊ-ի գրոհայինները ցրված են միայն Հին քաղաքի մի քանի թաղամասերում։
850-ամյա «Գրանդ ալ Նուրի» մզկիթը հետ խլելը խորհրդանշական հաղթանակ է, որը մեծ նշանակություն ունի Մոսուլի ազատագրության համար պայքարող իրաքյան ուժերի համար, որը փաստացի Իրաքում ԻՊ-ի մայրաքաղաքն էր։
«Նրանց փաստացի պետությունն ընկավ», - պետական հեռուստաընկերության եթերում ասել է իրաքցի ռազմական բրիգադային գեներալ Յահյա Ռասուլը։
Գրոհայինները միջնադարյան մզկիթը պայթեցրել են մեկ շաբաթ առաջ, երբ իրաքյան ուժերը սկսեցին հարձակումը։
