News
Լրահոս
News
Չորեքշաբթի
Հուլիս 18
Տեսնել լրահոսը

Շիրակի թեմի առաջնորդ Տ. Միքայել եպիսկոպոս Աջապահյանը համաձայն է ընտրվելու դեպքում լինել Պոլսի պատրիարքը:

NEWS.am-ի հետ զրույցում Շիրակի թեմի առաջնորդը, որի հայրը Թուրքիայում է ծնվել, նշեց, որ իր սկզբունքներին առհասարակ դեմ է հրաժարվելը:

«Մենք կամ ընտրվում ենք, կամ չենք ընտրվում, ընդամենն ասում ենք, որ այո, ընտրվելու դեպքում պատրաստ եմ աշխատել, կամ չեմ ուզում ընտրվել: Որպես հոգեւորական՝ պատրաստ եմ աշխատել ամենուր, բայց չեմ կարծում, որ իմ հնարավորություններն այդքան մեծ են ընտրվելու: Օրը կգա բարին էլ հետը, ամեն դեպքում իմ սկզբունքին դեմ է հրաժարվելը, որեւէ պատասխանատվությունից չեմ հրաժարվում: Սակայն, սա չի նշանակում, որ ոտքով-ձեռքով պիտի մտնեմ այս մրցապայքարի մեջ, չնայած սա մրցապայքար չէ, սա հոգեւոր պատրիարքի ընտրություն է»,- ասաց նա:

Հիշեցնենք, որ ավելի վաղ Պոլսո Հայոց պատրիարքի տեղապահ Գարեգին արքեպիսկոպոս Բեքչյանը հայտարարել էր, որ մինչեւ հիմա շրջանառվող անուններին կրկին անուններ կարող են ավելանալ:

«Թուրքիայում ծնված այլ եկեղեցականներ էլ կան, որոնք իրավունք ունեն մասնակցելու պատրիարքական ընտրությանը: Կարգը պահանջում է, որ մենք նամակ գրենք բոլորին եւ հարցնենք՝ թեկնածո՞ւ են, թե՞ ոչ: Եթե թեկնածու լինեն, պիտի հրավիրենք Պոլիս եւ ժողովրդին ծանոթացնենք նրանց:

Այդպիսի մի յոթ-ութ հոգի կան: Խաժակ Սրբազանը կարող է լինել, Նավասարդ Սրբազանի հայրն էլ պոլսեցի է, ծագման առումով ինքն էլ իրավունք ունի առաջադրվելու: Միքայել Սրբազանի հայրն էլ Թուրքիայում է ծնվել՝ Կիլիկիայում: Երուսաղեմի Սեւան Սրբազանի հայրն էլ Թուրքայում է ծնվել, էլի անուններ կան, թող գան, ես ոչ մի խնդիր չունեմ: Աստված թող տնօրինի», - ասել է նա «Հայձայնին» տված հարցազրույցում:

Նշենք, որ Պալսո պատրիարքի թեկնածու առաջադրվելու համար անհրաժեշտ է, որ տվյալ անձը ծնված լինի Թուրքիայում: Մինչ օրս շրջանառվում էին Պոլսո պատրիարքի 4 հավանական թեկնածուներ՝ Արամ սրբազան Աթեշյանը, կրոնական ժողովի ատենապետ Տեր Սահակ եպիսկոպոս Մաշալյանը, Գերմանահայոց թեմի առաջնորդ Գարեգին արքեպիսկոպոս Բեկչյանը եւ Հայաստանից Գուգարաց թեմի առաջնորդ Տեր Սեպուհ արքեպիսկոպոս Չուլջյանը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գարեգին Բ-ն նոր նշանակումներ է արել
Արժանապատիվ Տ. Արսեն քահանա Սարոյանը, ազատվելով Հայորդյաց Տների տեսչի պարտականություններից, ծառայության է կոչվել Հարավային Ռուսաստանի հայոց թեմում` թեմակալ առաջնորդի իշխանության ներքո...
Կարգալույծ է հռչակվել «Նոր Հայաստան, նոր Հայրապետ» նախաձեռնության անդամ Կորյուն աբեղա Առաքելյանը
Կարգալույծ եկեղեցականն այսուհետ կդասվի աշխարհականների շարքին՝ Արմեն Առաքելյան ավազանի անունով…
Գնդեվանքի տարածքում Գարեգին Բ-ի տեղաշարժն արգելափակելու վերաբերյալ ահազանգի առթիվ նյութեր են նախապատրաստվում
Նշված հրապարակման առնչությամբ ՀՀ քննչական կոմիտեի Վայոց ձորի մարզային վարչությունում նախապատրաստվում են նյութեր, որի շրջանակներում...
Նոր հրատարակություն Մայր Աթոռում. «Հին Կտակարան. բովանդակությունը եւ աստվածաբանությունը»՝ հայերեն
Գիրքը հրատարակվել է մեկենասությամբ «Լեւոն սարկավագ եւ Արաքսի Զենյան» հիմնադրամի...
Գարեգին Բ-ի տեղաշարժը խոչընդոտելու միջադեպի առթիվ ոստիկանությունում ծառայողական քննություն է սկսվել
Նախօրեին ՀՀ վարչապետ Նիկոլ Փաշինյանը ֆեյսբուքի ուղիղ եթերում հայտարարել էր, որ այդ միջադեպի ժամանակ ոստիկանների գործողություններից դժգոհ է...
Հայաստանի եւ Արցախի օմբուդսմենները Գարեգին Բ-ի հետ քննարկել են վերջինիս հանդեպ ֆիզիկական ոտնձգության փաստը
Ամենայն Հայոց Կաթողիկոսի նկատմամբ իրականացված ֆիզիկական ոտնձգության արտասովոր ու դատապարտելի փաստի հետ...
Ամենաշատ
Partner news