Արցախի պաշտպանության բանակում հուլիսի 25-27-ին անցկացվել են համաբանակային շտաբային զորավարժություններ, որին մասնակցել են ՊԲ վարչությունը, միավորումների, զորամասերի եւ գումարտակների հրամանատարական կազմը, շտաբներն ու ղեկավարման մարմինները:
Արցախի ՊԲ-ից NEWS.am-ին հայտնում են, որ ՊԲ տարվա պատրաստության պլանով նախատեսված զորավարժությունների նպատակն էր կատարելագործել բանակի ղեկավարման համակարգը, հրամանատարների ու շտաբների տեսական ու գործնական ունակությունները, նրանց պատրաստության եւ փոխգործակցության մակարդակը:
Զորավարժությունների ընթացքին հետեւել են ԱՀ ՊՆ, ՊԲ հրամանատար գեներալ-լեյտենանտ Լեւոն ՄՆացականյանն ու բանակի հրամանատարի տեղակալները:
Լեւոն Մնացականյանը մասնավորապես ուշադրություն է դարձրել բոլոր օղակի ղեկավար մարմինների մարտավարամասնագիտական կարողություններին, ներգրավված սպայակազմի՝ իրադրության գնահատման եւ որոշումներ ընդունելու ունակություններին, վարվող փաստաթղթերի ճշգրտությանը եւ տեղ գտած թերացումների վերացման նպատակով տվել ցուցումներ ու հանձնարարականներ: