Վլադիմիրում ապօրինի միգրանտների ժամանավավոր ընդունարանից Մոսկվա է տեղափոխվել 51-ամյա նախկին «օրենքով գող» Շալվա Ավդոիյանը, ով քրեական միջավայրում առավել հայտնի է որպես Շալիկո Թբիլիսցի։ Նրա նկատմամբ հարուցվել է քրեական գործ՝ բնակարանային կողոպուտի փաստով, հայտնում է «Փրայմ Քրայմը»։
Ավելի վաղ հայտնել էին, որ ապրիլի 11-ին Շալվա Ավդոիյանը հերթական ազատազրկումից հետո ազատ էր արձակվել Վլադիմիրի գաղութից։ Այդ նույն օրը, որպես քաղաքացիություն ու որոշակի բնակության վայր չունեցող անձ, Ավդոիյանին կալանքի տակ են վերցրել ապօրինի միգրանտների կենտրոնում։ Մինչ Շալիկոն սպասում էր արտահանձնման իր հերթին՝ նրա հետքերը հայտնաբերել են բնակարանային կողոպուտի մասին գործի նյութում, որը իրականացվել էր 2011-ի դեկտեմբերին՝ Արեւելյան Իսմայլովո շրջանում։
Քննության վարկածով՝ չարագործը, ում հետագայում նույնականացրել են որպես Ավդոիյան, բնակարանից գողացել էր Toshiba նոութբուք ու Sony Ericsson բջջային հետախոս՝ 21 000 ռուբլի ընդհանուր արժողությամբ։