Սուրբ Գրիգոր Լուսավորիչ հայկական եկեղեցին, որի օծումն ու բացման պաշտոնական արարողությունը տեղի է ունեցել կիրակի, Վլադիմիրում, կարող է հայերի կրոնական զբոսաշրջության կենտրոն դառնալ։ Այս մասին «ՏԱՍՍ»-ի հետ հարցազրույցում ասել է Ռուսաստանում Հայաստանի դեսպան Վարդան Տողանյանը։
«Ես վստահ եմ, որ Մոսկվայի մարզերից, մերձակա մարզերից այստեղ կժամանեն։ Կարծում եմ, որ Վլադիմիրում բացված այս մեծ եկեղեցին՝ ազգային մշակութային կենտրոնի հետ համատեղ, ձգողականության կենտրոն կդառնա»,-նշել է դեսպանը։
Տողանյանի խոսքով՝ Վլադիմիրում եկեղեցու բացումը նշանակալի իրադարձություն է ոչ միայն Ռուսաստանի հայերի համար, որտեղ ներկայում 47 հայկական ուղղափառ եկեղեցի է գործում, այլեւ ամբողջ աշխարհում սփյուռքի ներկայացուցիչների համար։
Վլադիմիրում հայկական եկեղեցին սկսել է կառուցվել 2006 թվականին։ Տաճարը կառուցված է ավանդական հայկական ոճով, բարձրությունը 37 մետր է։ Անհրաժեշտ 250 տոնա վարդագույն տուֆը բերվել է Հայաստանից։
Եկեղեցու հեղինակներն են ճարտարապետ Արտակ Ղուլյանն ու թեմական ճարտարապետ Ալեքսանդր Տրոֆիմովը։
