Եվս երկու հասարակական կազմակերպություններ դադարեցրել են փրկարարական առաքելությունը Միջերկրական ծովում։ «Բժիշկներ առանց սահմանների»-ից հետո Միջերկրական ծովում միգրանտներին օգնության առաքելութունները դադարեցրել են եւս երկու հասարակական կազմակերպություններ՝ «Փրկենք երեխաներին»-ը եւ «Ծովային աչք»-ը։ Նրանց ներկայացուցիչների խոսքով՝ պատճառը Լիբիայի առափնյա ծառայության սարսափելի գործողություններն են եւ Իտալիայի կառավարության կողմից խոչընդոտները, փոխանցում է NTDTV-ն։
Առափնյա ծառայութունը մի քանի անգամ կրակ է բացել փրկարարական նավերի ուղղությամբ, երբ նրանց հանդիպել է Լիբիայի տարածքային ջրերում։
Բացի այդ՝ Իտալիան Լիբիայի ջրեր նավեր է ուղարկել՝ միգրանտների հոսքը Եվրոպա կանգնեցնելու համար։ Իտալիայի իշխանությունները ՀԿ-ներին կասկածում են մարդկանց ապօրինի փոխադրողներին օժանդակելու մեջ։
Այսպիսով, միակ կազմակերպությունը, որը Միջերկրական ծովում կշարունակի փրկարարական առաքելությունը, Sos Mediterranee-ն է։
