ՄԱԿ-ի փորձագետների համաձայն՝ ԱՄՆ-ում աճում են քսենոֆոբիան եւ ռասիզմը։ ՄԱԿ-ի մարդու իրավունքների գծով գերագույն հանձնակատարի գարսենյակի հայտարարությունում ասվում է, որ պատճառը ամերիկյան Շարլոթսվիլի իրադարձություններն են, փոխանցում է «ՌԻԱ Նովոստի»-ն։
Վիջինիա նահանգի Շարլոթսվիլ քաղաքի իրադարձությունների հետ կապված ԱՄՆ-ի իշխանություններին ուղղված դիմում են ստորագրել աֆրիկյան ծագում ունեցող մարդկանց գործերով աշխատանքային խմբի ղեկավար Սաբելո Գումեձեն, ռասիզմի ժամանակակից ձեւերի, ռասսայական խտրականության, քսենոֆոբիայի եւ անհանդուրժողականության այլ տեսակների հարցերով ՄԱԿ-ի հատուկ հանձնակատար Մութումա Ռութերեն եւ ռասսյական խտրականությունն արմատախիլ անելու ՄԱԿ-ի կոմիտեի նախագահ Անաստասիա Քրիքլեյը։
«Մենք այդ իրադարձությունները դիտարկում ենք որպես ռասսայական խտրականության, աֆրոֆոբիայի, ռասիզմի եւ քսենոֆոբիայի հողի վրա բռնության աճի օրինակ, որը նկատում ենք ամբողջ ԱՄՆ-ի տարածքում։ Մենք խորապես մտահոգված ենք կազմակերպված ատելության եւ ռասիստական խմբերի տարածմամբ։ Ատելության եւ ռասիզմի ակտերը պետք է միաձայն դատապարտվեն։ Ատելության հողի վրա հանցագործությունները պետք է հետաքննվեն, իսկ մեղավորները՝ պատժվեն»,-ասվում է փորձագետների հայտարարությունում։
Այդ կապակցությամբ ՄԱԿ-ի ներկայացուցիչները ԱՄՆ-ի իշխանություններին կոչ են արել անհապաղ պարզաբանել երեւույթները, որոնք ռասիզմի հողի վրա բռնություն են բորբոքում, նման իրադարձությունների անկախ հետաքննություն իրականցնել եւ պատժել մեղավորներին։
