Քեմբրիջի համալսարանի հրատարակչությունն արգելափակել է Չինաստանի տարածքում հազարավոր ընթերցողների հասանելիությունը հարյուրավոր գիտական հոդվածների նկատմամբ, ներառյալ՝ 50 տարի առաջ հրապարակվածները։ Դա արվել է ՉԺՀ-ի իշխանությունների խնդրանքով։ Այս մասին հաղորդում է RTVI-ն՝ վկայակոչելով The Guardian-ը։
Արգելափակվել են China Quarterly ակադեմիական պարբերականում հրապարակված հոդվածները (Չինաստանին նվիրված հեղինակավոր պարբերական)։
The Guardian-ը նշում է, որ պարբերականի ղեկավարությունը հարկադրված է դիմել այդ քայլին, հակառակ պարագայում ՉԺՀ-ի ընթերցողները հասանելիություն չէին ստանա ավելի մեծ թվով հրապարակումների նկատմամբ։ Այս մասին China Qaurterly-ի գլխավոր խմբագիր Թիմ Փրինգալը գրել է պարբերականի ընթերցողներին ուղղված ուղերձում։
Արգելափակվել են ավելի քան 300 հոդվածներ։ Դրանց մեծ մասը նվիրված է Տիբեթին։ Արգելափակվել են նաեւ Տյանանմենի հրապարակում 1989 թվականին բողոքի ակցիաները ճնշելու վերաբերյալ հոդվածները։
