11-ամյա տղան ու նրա ծնողները զոհվել են՝ գլորվելով Սոլֆատարա հրաբխի խառնարանի մեջ՝ Նեապոլից ոչ հեռու, հայտնում է BBC-ն։
Նախնական տվյալներով՝ դեպքը տեղի է ունեցել այն բանից հետո, երբ տղան մտել է զբոսանքների համար արգելված գոտի։ Ծնողները փորձել են նրան հանել այնտեղից, բայց հրաբխի խառնարանի հիմքը փլվել է ու երեքն էլ գլորվել են ցած։ Երեքն էլ թունավորվել են գազից ու մահացել տեղում։ Նրանց մյուս՝ յոթամյա որդին խառնարանին չի մոտեցել ու չի տուժել, սակայն ականատես է դարձել հարազատների ողբերգական մահին։ Հիմա նրա հետ աշխատում են հոգեբանները։
Ծնողները մոտ 40 տարեկան էին։ Հրաբուխը չի գործում 1180 թվականից, երբ տեղի է ունեցել վերջին ժայթքումը։ Այն նեղ խառնարան ունի ու հայտնի է ծծմբաթթվի ու գոլորշու առատ արտանետումներով։
Այն վայրը, որտեղ տեղի է ունեցել ողբերգությունը, սահող ավազով է պատված եւ մակերեսը կարող է փլվել ամեն պահ։
