Շվեյցարիայի պաշտպանության, բնակչության պաշտպանության ու սպորտի դաշնային բաժինը կիբերհարձակման է ենթարկվել։ Սեպտեմբերի 15-ին երկրի կառավարությունը հայտնել է, որ այդ կիբերհարձակումը ձեռնարկվել է հուլիսին, հաքերները օգտագործել են Turla ԾԱ-ն, բայց նրանց ներխուժումը բացահայտվել է ու կանգնեցվել մասնագետների կողմից։
Դաշնային խորհրդի հաղորդագրության մեջ ասվում է, որ «ցանցահենները օգտագործել են Turla հայտնի վնասակար ծրագրային ապահովումը»։ «Պատասխանատու ծառայությունների միջեւ սերտ համագործակցությունը թույլ է տալիս անհապաղ ձեռնարկել անվտանգության միջոցառումներ։ Իրավասու ծառայությունները սկսել են տեղի ունեցածի հետաքննությունը»,- նշում է կառավարությունը։
